Bıylǵy jyldyń úsh aıynda elektr energııasyn tutyný 23,1 mıllıard kVt/saǵatty qurady
ASTANA. Sáýirdiń 27-si. QazAqparat /Rýslan Ǵabbasov/ - Bıylǵy jyldyń úsh aıynda elektr energııasyn tutyný 23,1 mıllıard kVt/saǵatty qurady. Bul týraly búgin Astanada ótip jatqan alqa májilisinde Indýstrııa jáne jańa tehnologııalar vıtse-mınıstri Dúısenbaı Turǵanov málim etti,
dep habarlaıdy QazAqparat.
«Bıylǵy jyldyń úsh aıynda elektr energııasyn tutyný 23,1 mıllıard kVt/saǵatty qurady. Bul kórsetkish 2009 jyldyń osy kezeńine qaraǵanda 9,4 paıyzǵa artyq»,-dedi vıtse-mınıstr. Elektr energııasyn óndirý 8,5 paıyzǵa artyp, 22,8 mıllıard kVt/ saǵatqa jetti.
Onyń sózine qaraǵanda, ótken jyly elimizdiń elektr stansylarynda 78,4 mlrd. kVt/saǵ elektr energııasy óndirildi. Bul 2008 jyldyń kórsetkishine 98 paıyzdy qurap otyr. Sondaı-aq 2009 jyly tutynylǵan kólem 77,9 mlrd kVt/saǵatty qurady.
