Bıylǵy jyldyń sońyna deıin Qazaqstandaǵy barlyq munaı kásipshilikterindegi ilespe gazdy paıdaǵa asyrý sharalary aıaqtalady

Bul týraly Peterborda ótkizilgen Neva ekologııalyq kongresi kezinde QR Qorshaǵan ortany qorǵaý mınıstri Nurǵalı Áshim aıtty.

Onyń aıtýynsha, Qazaqstanda ekologııalyq tártipti nyǵaıtý úshin ónerkásiptik kásiporyndarda qordalanyp qalǵan qaldyqtardyń barlyq túrlerine aqy tóleýdi zańdastyrý josparlanyp otyr.

Mınıstr sonymen qatar, Qazaqstannyń Kıoto hattamasy boıynsha mindettemelerine sáıkes, qazirgi ýaqytta parnıktik gazdardyń aýaǵa taralýyn 2020 jylǵa deıin 15 paıyzǵa, 2050 jylǵa deıin 25 paıyzǵa azaıtýdyń jobasy júzege asyrylyp otyrǵanyn atap ótti.

N.Áshim atap ótkendeı, qazirgi ýaqytta Qazaqstanda Taza tehnologııalar halyqaralyq qorynyń qoldaýymen energııa únemdeý tehnologııalaryn engizý men energııa tıimdiligin arttyrýǵa baılanysty birqatar ekologııalyq jobalar júzege asyrylýda. Olardyń jalpy quny shamamen 1 mlrd. dollardy quraıdy.

«Qazirdiń ózinde shamamen 300 mln. dollardyń alǵashqy baǵdarlamalary júzege asyryldy», - dedi mınıstr.