Bıylǵy jyldyń sońyna deıin qazaq tildi BAQ-tar úshin arnaıy ınternet portal ashylady
ALMATY. 12 qarasha. QazAqparat /Erbol Azanbek/ - Osy jyldyń aıaǵyna deıin qazaq tildi BAQ-tar úshin arnaıy ınternet portal ashylady. Bul týraly búgin Almatyda ótip jatqan úshinshi medıaquryltaı barysynda QR Baılanys jáne aqparat mınıstrliginiń, Aqparat jáne muraǵat komıtetiniń tóraǵasy Bolat Bersebaev aıtty.
Onyń aıtýynsha bak.kz dep atalatyn portaldyń negizgi qyzmeti -ınternet betinde qazaq tildi basylymdardyń basyn qosý. «Biz bul arqyly qazaq tildi basylymdardy ınternetke tartýdy kózdeımiz. Portalda qazaq tildi BAQ-y tirkelip, óz ónimderin jarııalaı alady. Alǵashqy ýaqytta barlyq qazaq tildi BAQ-ynyń basyn ortaq portalda biriktiretin bolsaq, odan keıingi ýaqytta árqaısysysynyń jeke saıtynyń ashylýyna yqpal jasaımyz», - dedi B.Bersebaev.
