Bıylǵy jyldyń qańtar-qarashasynda elimizdegi et óndirisi 13 paıyzǵa artty - Statıstıka
ASTANA. 13 jeltoqsan. QazAqparat - Qazaqstanda et óndirisi 2013 jyldyń qańtar-qarashasynda 194 myń 98 tonnany qurady. Osylaısha kórsetkish 2012 jyldyń sáıkes kezeńimen salystyrǵanda 13 paıyzǵa artyq. Bul týraly QR Statıstıka agenttiginiń aı saıynǵy esebinde jarııalanǵan.
Statıstıka málimetterine sáıkes, elimizdegi sút óndirisi 429 604 tonnany (+25,6%), un - 3 559 071 tonnany (-2,5%), nan - 664 446 tonnany (+6,1%), jarma 36 783 tonnany quraǵan.
Jalpy alǵanda, aýyl sharýashylyǵy ónimderin shyǵarý qańtar-qarashada 10,9 paıyzǵa ósken. Esepti kezeńdegi aýyl sharýashylyǵy ónimderiniń jalpy shyǵarylymy 2 trln. 308 mlrd. teńgeni quraıdy. Bul rette mal ónimderin shyǵarý 959,3 mlrd. (+1,2%) teńgeni, ósimdik ónimderi - 1342,8 mlrd. (+19,9%) teńgeni, qyzmet kórsetý 5,9 mlrd. teńgeni qurap otyr.
