Bıylǵy jyldyń bıýdjetinde sırek kezdesetin indetterdi emdeýge 3 mıllıard teńgeden astam qarjy qarastyrylyp otyr

Bul týraly búgin Sırek kezdesetin aýrýlardyń halyqaralyq kúnine oraı uıymdastyrylǵan «Astana-Tbılısı-Kıev» beınekópirinde Densaýlyq saqtaý mınıstrliginiń Kómekti  uıymdastyrý departamentine qarasty Ana men balany qorǵaý basqarmasynyń bastyǵy Maǵrıpa Embergenova málim etti. 

Onyń derekterine qaraǵanda, 2011 jyly respýblıkalyq bıýdjetten sırek kezdesetin aýrýlardy emdeýge 1 mıllıard 168 mıllıon 620 myń teńge bólingen. Al 2012 jyly bul baǵytqa 3 mıllıard 708 mıllıon 324 myń teńge qarastyrylyp otyr. «Bul rette balalardyń arasynda sırek kezdesetin aýrý mýkovıtsıdıozben syrqattanǵandarǵa 104 mıllıon 183 myń teńge, al mýkopolısaharadıozdy emdeý úshin 676 mıllıon 471 myń teńge, goshe aýrýymen naýqastanǵandardy emdeý úshin 1 mıllıard 86 mıllıon teńge bólinedi»,- dedi basqarma bastyǵy.