Bıylǵy jyldyń birinshi toqsanynda eksport ósip, ımport byltyrǵy deńgeıde qaldy - G.Marchenko
ALMATY. Tamyzdyń 11-i. QazAqparat /Erbol Azanbek/ - 2010 jylǵy 1-shi jartyjyldyqta elimizdiń tólem balansyn aldyn-ala baǵalaý boıynsha aǵymdaǵy operatsııalar shotynyń profıtsıti 5,7 mıllıard AQSh dollaryn qurady. 2009 jylǵy 1-shi jartyjyldyqta 3,5 mıllıard AQSh dollary kólemindegi defıtsıtin kórsetken edi.
Bul týraly búgin Almatyda ótken baspasóz máslıhatynda QR Ulttyq bankiniń tóraǵasy Grıgorıı Marchenko aıtty.
Bas bankırdiń pikirinshe, 2010 jylǵy 1-shi jartyjyldyqta ortasha alǵanda brent surypty munaıdyń álemdik baǵasy bir barrel úshin 77,67 AQSh dollary boldy, bul byltyrǵy jyldyń uqsas kezeńi kórsetkishinen 49 paıyzǵa joǵary. Bunyń nátıjesinde taýarlar eksporty 2009 jylǵy osyndaı kezeńmen salystyrǵanda 70,8 paıyzǵa ósip, 30 mıllıard AQSh dollaryna jýyqtaǵan. 1-shi jarty jyldyqta qazaqstandyq taýarlardyń resmı eksporty 29,6 mıllıard AQSh dollary boldy, onyń ishinde 18,7 mıllıard AQSh dollary nemese 63 paıyzy munaı men gaz kondensaty eksportyna tıesili. Taýarlar ımporty byltyrǵy jylǵy deńgeıde qalyptasty jáne 13,4 mıllıard AQSh dollaryn quraǵan. Onyń ishinde resmı ımport 13,0 mıllıard AQSh dollary bolǵan.
