Bıylǵy jyldyń basynda eldiń 13 aımaǵynda
strong> Aqpannyń 11-i. QazAqparat /Erlik Erjanuly/ - 2007 jyly bastalǵan "100 mektep qurylysy" jobasy bıyl jyldyń basynda eldiń 13 aımaǵynda aıaqtaldy.
Bul búgin Almatyda ótip jatqan "Jańa aqparattyq-kommýnıkatsııalyq ortada qazirgi zaman oqýlyǵyn daıyndaýdyń jáne oqý kitabyn basyp shyǵarýdyń ózekti máseleleri" dep atalatyn halyqaralyq ǵylymı-tájirıbelik konferentsııada aıtyldy, dep habarlaıdy QazAqparat.
"2009 jyly bıýdjet qarjysymen paıdanýǵa berilgen 83 mekteptiń 38-i «100 mektep qurylysy» jobasy aıasynda salyndy. Jyl basynda joba eldiń 13 aımaǵynda aıaqtaldy. Ózgeleri 2010-2011 oqý jylynda aıaqtalady. Úsh aýysymdyq mektepter sany 16 -ǵa azaıdy. Al oqýshylar ornyna tapshylyq 39 myń oryndy qurady. Úsh jylda 3385 mektep ınteraktıvti kabınettermen jabdyqtaldy. Kompıýtermen qamtamasyz etý deńgeıi 18 oqýshyǵa bir kompıýterden keldi. Mektepterdiń 98 paıyzy ınternetke qosylǵan. Onyń 34 paıyzy keń jolaqty», deıdi Bilim jáne ǵylym mınıstri Janseıit Túımebaev. Mınıstrdiń aıtýynsha, byltyr aýylda jumys isteýge 5056 pedagog barǵan. Olarǵa keminde 70 aılyq eseptik kórsetkish kóleminde kóterme syıaqy qarastyryldy. Bıyl baspana alý úshin onyń kólemi 630 aılyq eseptik kórsetkishke deıin dep qarastyrylyp otyr. Ótken jyly jalpy 80 myń muǵalim bilim jetildirý kýrsynan ótti. 4-11 synyptarǵa - qarjylyq saýattylyq, 10-11 synyptarǵa - kólik júrgizý pánderi engizildi. Mektepterde 3675 qamqorshylar keńesi qurylyp, 1457 mekteptegi polıtsııa ınspektory laýazymy engizildi.
