Bıylǵy jyldyń basynan beri 32 keliden astam geroın tárkilendi - QR ІІM
ASTANA. 27 aqpan. QazAqparat - Aǵymdaǵy jylǵy 2 aıdyń nátıjesi boıynsha ishki ister organdary 690 esirtki qylmysyn, onyń ishinde 403 satý faktisin anyqtady. Bul týraly búgin QR ІІM málimetterinde habarlandy.
Esirtkiniń zańsyz aınalymymen aınalysqan 2 uıymdasqan qylmystyq toptyń jáne kontrabandanyń 14 faktisiniń joly kesildi. 833 kg ártúrli esirtki, onyń ishinde 32 keli 350 gramm geroın tárkilendi. Ártúrli ákimshilik quqyq buzýshylyqtary úshin ákimshilik jaýapkershilikke 1312 adam tartyldy.
Esirtkige táýeldiler sany 46 myń adamnan (2011 j.) 2012 jyly 40 myń adamǵa deıin azaıdy, ıaǵnı bul respýblıka halqynyń 0,1paıyzyn quraıdy.
