Bıylǵy jyldyń alǵashqy úsh aıynda ІJÓ-niń ósimi 6-7 paıyz deńgeıinde bolmaq
ASTANA. Sáýirdiń 13-i. QazAqparat /Rýslan Ǵabbasov/ - Bıylǵy jyldyń alǵashqy úsh aıynda ІJÓ-niń ósimi 6-7 paıyz deńgeıinde bolmaq. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov aıtty,
dep habarlaıdy QazAqparat.
Agenttik basshysy Іshki jalpy ónim deńgeıi 6-7 paıyz deńgeıinde bolýy múmkin ekenin aıta kele, bul boljam qysqa merzimdi ekonomıkalyq ındıkatordyń kórsetkishterine negizdeletinin jetkizdi. Atap aıtqanda, bıylǵy jylǵy qańtar-naýryz aılarynda ótken jyldaǵy osy merzimge qaraǵanda qysqa merzimdi ekonomıkalyq ındıkator 108,3 paıyzdy qurady. Al qysqa merzimdi ekonomıkalyq ındıkator alty bazalyq salanyń shyǵarylym ındeksiniń ózgerisine negizdeledi. ıAǵnı, onda ІJÓ-niń 67-68 paıyzyn quraıtyn aýyl sharýashylyǵy, ónerkásip, kólik, qurylys, saýda men baılanys salalary qamtylǵan.
Á. Smaıylovtyń sózine qaraǵanda, ІJÓ-niń naqty eseptiligi 2010 jylǵy mamyr aıynda belgili bolady.
