Bıylǵy jyldyń 9 aıynda tirkelgen qylmystar sany artty
ASTANA. 17 qazan. QazAqparat - Bıylǵy jyldyń 9 aıynda tirkelgen qylmystar sany 52,5%-ǵa( 137789-dan 210133-ke), onyń ishinde aýyr qylmystar 10,5%-ǵa (20419-dan 22561-ge) artty.
Qylmystardyń artýy Bas prokýratýra men QR Іshki ister mınıstrliginiń tirkeý tártibin kúsheıtý jónindegi qabyldaǵan sharalarymen, sondaı-aq bıylǵy jyly qylmystardyń barlyq túrlerin qabyldaý men tirkeý týrasyndaǵy biryńǵaı júıesin engizýmen túsindirilip otyr. Bul jaıynda QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń tóraıymy Sáýle Aıtpaeva aıtty,
Belgili bolǵandaı, qylmystylyqtyń ósýi buryn esepke alýdan kóp jaǵdaıda jasyrylyp kelgen mynandaı qylmystardyń: ıaǵnı, urlyqtyń 66,2%-ǵa, buzaqylyqtyń 93,8%-ǵa, alaıaqtyqtyń 57%-ǵa, tonaýdyń 25,2%-ǵa artýy sebebinen oryn aldy.
Onyń sózinshe, elimizdegi qylmystylyq jaǵdaı kúrdeli emes, osy oraıda alańdaýdyń esh reti joq. Atap aıtqanda, jasyrylyp kelgen qylmystardy kóleńkeden shyǵarý jónindegi júıeli túrde júrgizilip jatqan jumystar «tirkelgen» qylmystylyq sanynyń artýyna sebep boldy.
