Bıylǵy jyldyń 9 aıynda Qazaqstanda jumys jáne qyzmet kórsetý men taýarlardy satyp alý kólemi jalpy 4,8 trln. teńgeni qurady
Bunyń ishinde 2,5 trln. teńgesi otandyq jetkizýshilerdiń úlesinde. Bul týraly búgin Astanada qazaqstandyq qamtýdy damytý máselesine arnalǵan keńeste Indýstrııa jáne jańa tehnologııalar mınıstrliginiń Qazaqstandyq qamtýdy damytý departamentiniń dırektory Serik Kámeli aıtty.
Osy kórsetekishterdi eskere otyryp qazaqstandyq qamtýdyń úlesi 51,1 paıyzǵa jetkizilip otyr. Atap aıtqanda, memlekettik organdardyń satyp alýy 154,8 mlrd. teńgeni qurady, sondaı-aq onyń ishinde qazaqstandyq qamtý 57,7 paıyz deńgeıinde qalyptasty. Al ken ornyn paıdalanýshylardyń satyp alý kólemi 3 711,5 mlrd. teńgeni qurady (onyń ishinde qazaqstandyq qamtý 55,5 paıyz). Munymen qosa ulttyq kompanııalardyń satyp alýy kólemi 307,4 mlrd. teńgege jetip, bundaǵy qazaqstandyq úlestiń deńgeıi 56,5 paıyz kórsetkishimen qalyptasty. Júıe quraýshy kásiporyndardyń satyp alýlary 635,9 mlrd. teńgeni qurady (onyń ishinde qazaqstandyq qamtý 21,2 paıyz).
