Bıylǵy jyldyń 7 aıynda 6 myń júrgizýshige ekologııalyq talaptardy buzǵandary úshin aıyppul salyndy
ASTANA. 24 tamyz. QazAqparat - Jyl basynan beri elordada 70 myń 813 kólik quraly tehnıkalyq tekserýden ótken. Olardyń 58 myń 693-i talapqa saı dep tabylǵan. Al 12 myń 120 júrgizýshige tehnıkalyq tekserýden ótýge tyıym salyndy.
Atalǵan kólikterdiń tehnıkalyq aqaýlary bar, sonymen qatar olar aýany lastaıtyn bolyp shyqty. ıAǵnı, ekologııa talaptaryna saı emes. Bul týraly Astana qalalyq Jol polıtsııasy komıtetiniń baspasóz qyzmeti habarlady.
Baspasóz qyzmetiniń málimetterinshe, ekologtar kólik quraldaryn aýany eń kóp lastaýshy dep tanyp otyr. Osyǵan baılanysty Astana qalasynyń Jol polıtsııasy basqarmasy qorshaǵan ortany qorǵaý sharasyna jiti kóńil bólýde. Elordada qazir gaz ben tútinniń quramyn anyqtaıtyn 6 oryn bar. Olardyń kómegimen qalaǵa kirgen nemese shyǵyp bara jatqan kólikter tekseriledi. Sonymen qatar jyljymaly dıagnostıkalyq zerthanalary bar 2 jedel top jumys isteıdi. Tútin men gazdyń quramyn tekseretin qurylǵylary jol polıtsııasynyń qatardaǵy qyzmetkerlerinde de bar.
Baspasóz málimetteri boıynsha, bıylǵy jyldyń 7 aıynda tekserý jumystarynyń nátıjesinde 6 myń júrgizýshige ekologııalyq talaptardy buzǵandary úshin jalpy quny 18 mıllıon teńge kóleminde aıyppul salynǵan. Sonymen qatar qazir qaladaǵy ekologııalyq jaǵdaıdy saýyqtyrý úshin kólik ıelerine qoılatyn talaptar qataıtylǵan.
