Bıylǵy jyldyń 3 aıyndaǵy esep boıynsha jasóspirimder qylmysy respýblıka boıynsha 12 paıyzǵa kemidi
ASTANA. 13 sáýir. QazAqparat /Aıdar Ospanalıev/ - Bıylǵy jyldyń 3 aıynda jasóspirimder tarapynan jasalǵan qylmystar sany ótken jyldyń sáıkes merzimimen salystyrǵanda 12 paıyzǵa kemidi.
Bul týraly búgin jýrnalıstermen bolǵan brıfıngte Bas prokýratýranyń Quqyqtyq statıstıka jáne arnaıy esepke alý jónindegi komıtet tóraǵasy Marat Ahmetjanov málim etti.
Ol keltirgen derekterge qaraǵanda, elimiz boıynsha bıylǵy jyldyń birinshi toqsanynda jasóspirimder qylmysy birshama artyp ketken aımaqtar da bar. Atap aıtqan, jasóspirimder qylmysy Astanada 360 paıyzǵa, Jambyl oblysynda, 86,5 paıyzǵa, Qyzylorda oblysynda 71,4 paıyzǵa, Ońtústik Qazaqstan oblysynda 55,4 paıyzǵa ósip ketken.
