Bıylǵy jyldyń 11 aıynda 3 sýdıa qylmystyq jaýapqa tartyldy
ASTANA. 24 jeltoqsan. QazAqparat /Aıdar Ospanalıev/ - Bıylǵy jyldyń 11 aıynda 3 sýdıa qylmystyq jaýapqa tartylǵan. Bul málimettermen búgin respýblıka sottarynyń 2011 jylǵy jumysynyń qorytyndylary jónindegi keńeıtilgen keńes barysynda Joǵarǵy sot tóraǵasy Bektas Beknazarov tanystyrdy.
Onyń derekterinshe, jyl basynan beri elimiz boıynsha 120 sýdıa ákimshilik jaýapqa tartylǵan. Olardyń 89,7 paıyzy sot isterin qaraý kezinde jibergen kemshilikteri úshin jaýapqa tartyldy. Ákimshilik jaýapqa eń kóp tartylǵan sýdıalar Qaraǵandyda - 14, Almatyda - 13, Almaty jáne Qostanaı oblystarynda - 11 derek oryn aldy. «Osy oraıda aıta keter másele eńbek tártibi men sýdıalardyń etıkalyq normalary erekshe jáne turaqty nazarda bolýy kerek», - dep atap kórsetti B.Beknazarov.
