Bıylǵy jyldyń 1 toqsanynda negizgi kapıtalǵa salynǵan ınvestıtsııalar kólemi 691,9 mlrd. teńgeni qurady - Á.Smaıylov
ASTANA. 14 sáýir. QazAqparat /Rýslan Ǵabbasov/ - Bıylǵy jyldyń 1 toqsanynda negizgi kapıtalǵa salynǵan ınvestıtsııalar kólemi 691,9 mlrd. teńgeni qurady.
Ótken jyldyń sáıkes kezeńine qaraǵanda, bul kórsetkish 7,4 paıyzǵa artyq. Bul týraly búgin Astanada ótken onlaın-konferentsııada QR Statıstıka agenttiginiń tóraǵasy Álıhan Smaıylov málim etti.
Onyń sózine qaraǵanda, 2001 jylǵy qańtar-naýryzda júk aınalymynyń kólemi 92,7 mlrd. tonna/shaqyrymdy qurady. 2010 jylǵy tıisti kezeńmen salystyrǵanda, bul deńgeı 16,7 paıyzǵa artty.
«Esepti kezeńde bólshek saýda taýar aınalymy (qoǵamdyq tamaqtandyrý aınalymyn eseptemegende) 779,9 mlrd. teńgeni qurady. Ótken jyldyń 1 toqsanyna qaraǵanda bul kórsetkish 11,9 paıyzǵa ósti. Sonymen qatar kóterme saýda taýar aınalymy 1761,4 mlrd. teńgege jetip, 2010 jyldyń qańtar-naýryzymen salystyrǵanda 15,6 paıyzǵa artty», - dedi Á. Smaıylov.
