Bıylǵy jyldyń 1-shi toqsanynda eldegi jumyssyzdar sany ótken jylǵy kórsetkishpen salystyrǵanda 6,2 paıyzǵa kemidi
ASTANA. Sáýirdiń 20-y. QazAqparat /Aıdar Ospanalıev/ - Bıylǵy jyldyń eki aıynyń qorytyndylary boıynsha halyqtyń jan basyna shaqqandaǵy taza ortasha tabystary 5 paıyzǵa artyp, 71,8 myń teńgeni qurady.
Al ortasha aılyq 66,4 myń teńge boldy. Bul týraly búgin bıylǵy jyldyń birinshi toqsanyndaǵy elimizdiń áleýmettik-ekonomıkalyq damý qorytyndylaryna arnalǵan úkimet otyrysynda Ekonomıkalyq damý jáne saýda mınıstri Janar Aıtjanova málim etti, dep habarlaıdy QazAqparat.
Mınıstrdiń málimetterine qaraǵanda, bıylǵy jyldyń 1-shi qańtarynan bastap, zeınetaqy men áleýmettik tólemder birshama ósken. Sáýir aıynyń 1-inen bastap, Elbasynyń tapsyrmalaryna sáıkes, bıýdjet salasyndaǵy jumysshylardyń jalaqylary 25 paıyzǵa kóterildi. ««Jol kartasyn» júzege asyrý jumystary da jalǵasýda. Osy ýaqytta barlyq ınvestıtsııalyq baǵyttar boıynsha nysandardy jóndeý men qaıta qurý jumystaryna 132 mıllıard teńge bólindi. Sáýirdiń 1-ine deıin bul qarjynyń 12 paıyzy ıgerildi», dedi mınıstr.
Sondaı-aq ol sózinde jumyssyzdyqpen kúres maqsatynda jergilikti ákimshilikter jumys berýshilermen birge eńbekkerlerdiń quqyqtaryn qamtamasyz etý máselesi boıynsha tıisti memorandýmǵa qol qoıǵandyǵyn atap kórsetti. «Jol kartasyn» júzege asyrý jumystary bıylǵy jyldyń 1-shi toqsanynda jumyspen qamtylǵan halyq sanynyń artyp, jumyssyzdar sanynyń kemýine múmkindik berdi. Sóıtip eldegi jumyssyzdar sany 2009 jyldyń 1-shi toqsanyndaǵy jaǵdaımen salystyrǵanda 57 myń adamǵa azaıyp, jumyssyzdyq 6,2 paıyzǵa kemidi», dedi J.Aıtjanova.
