Bıylǵy jyl men úshin erekshe boldy - «Jyl kınoakteri» Erbolat Toǵyzaqov
ALMATY. 31 jeltoqsan. QazAqparat - Jańa jylda Aıaz ata maǵan jańa páterdiń kiltin berdi. Endi bul qaıyrymdy Aıaz Ataǵa men senem. Ony jyl kınoakteri Erbolat Toǵyzaqov Almatyda Ermek Tursynovtyń «Shal» kórkem fılminiń DVD dıskisiniń tanystyrylymy kezinde aıtty.
«Bıylǵy jyly meniń ómirimde úlken ózgerister boldy. Ol ózim uzaq jyldan beri qyzmet jasap kele jatqan Sháken Aımanov atyndaǵy «Qazaqfılm» kınostýdııasynda rejısser Ermek Tursynov túsirgen «Shal» fılmi jaryq kórgennen keıin bastaldy. Bul týyndy «Jyl fılmi», al men «Jyl kınoakteri» atanyp, Qazaqstan kınematografıster odaǵynyń «Qulager» syılyǵyn ıelendim. Sondaı-aq E. Tursynovtyń komandasy Jańa jyl qarsańynda jeke páterdiń kiltin tabys etti», - deıdi E. Toǵyzaqov. Onyń aıtýynsha, jarqyn bolashaqtan eshqashan úmit úzýge bolmaıdy. Ǵajaıyptar bar. Tek oǵan senip, kúte bilý kerek. Buǵan deıin tek epızodtyq rólderdi oınap júrgen onyń endi halyqtyń ystyq iltıpatynan keıin ómirge degen qulshynysy artqan.
