Bıylǵy Joldaý salmaqty, kóp salaly jáne uzaq merzimge josparlanǵan qujat boldy
/strong>Aqpannyń 19-y. QazAqparat /Ádilet Musahaev/ - Bıylǵy Elbasynyń Joldaýynda aıtylǵan ózekti máselelerdi jastardyń arasyna keńinen nasıhattaımyz.
Bul jaıynda Prezıdenttiń Joldaýyna arnalǵan búgingi dóńgelek ústelde Almaty qalasy Jastar saıasatyn damytý memlekettik qorynyń dırektory Dáýren Muhametjanov aıtty, dep habarlaıdy QazAqparat.
D.Muhametjanov osyndaı máseleni talqylaýdyń ózi Elbasynyń júrgizip otyrǵan saıasatynyń nátıjesi dep biletindigin jetkizdi. Onyń aıtýynsha, kez-kelgen bastama halyqqa durys jetpese ol aıaqsyz qalady. Qujatty iske asyrý úshin ony ary qaraı qoldaıtyn qoldaýshylar kerek, sondyqtan Almaty qalasyndaǵy barlyq demalys ortalyqtarynda osyndaı dóńgelek ústel ótkizsek degen usynys jasaǵandyǵyn aıtty. "Bıylǵy Joldaý salmaqty, kóp salaly jáne uzaq merzimge josparlanǵan qujat boldy. Búgingi talqylaǵan taqyrybymyz memleket úshin eń negizgi másele - memlekettik til. Kez-kelgen Qazaqstan azamaty dinine, násiline qaramaı eldiń patrıoty bolýy kerek. Patrıot adam sol turyp jatqan jeriniń mádenıetin, tilin boıyna sińire bilýi tıis, sonda ǵana ol shyn máninde patrıot bola alady. Qazirgi tańda qazaq tilin óte jaqsy meńgergen kóptegen ózge ult ókilderi bar. Solardyń aldynda uıatty bolmaı árqaısymyz qoǵamdyq oryndarda qazaq tilinde suraý qoıyp, talap qoıa bilýimiz kerek. Sonymen óz elińniń patrıoty bolý úshin aldymen óz tilińdi jetik bilgen jón. Prezıdenttiń aldymen qazaqsha, sodan keıin basqa tilderdi de meńgerińder dep otyrǵan saıasaty óte oryndy", deıdi D. Muhametjanov.
