Bıylǵy Joldaý ár salanyń damýyna serpin beredi - Baqytbek Smaǵul
«El Prezıdenti Qasym-Jomart Kemeluly Toqaevtyń Joldaýyn bir sózben túıindeýge bolady: QORǴAÝ! Eń bastysy, halyqty qorǵaý. Ozyq memleket úshin halqyn qorǵaýdan qundy eshteńe joq. Budan bólek, Memleket basshysynyń Joldaýynda táýelsizdikti, memlekettilikti, ulttyq múddelerdi, ulttyq qundylyqtardy, ult saýlyǵyn, bolashaqty, jas urpaqty, daryndardy, mádenıet pen ónerdi, ekonomıkany, ekologııany, eńbekti qorǵaý sekildi san-salaly máseleler qamtyldy. Qazirgi almaǵaıyp shaqta bul kemeline kelgen, ál-aýqaty men qaırat-qýaty tolysqan elderdiń qolynan ǵana keletin dúnıe», - dedi B. Smaǵul.
Onyń aıtýynsha, Joldaýda el ómiriniń saıası, áleýmettik, ekonomıkalyq, áskerı jáne basqa da qyrlary tolyqqandy qamtyldy.
«Prezıdent Joldaýy memleketimizde, qoǵamda, álemde, aınalada bolyp jatqan ózgeristerdi kórip-bilip, kókeıge toqyp, kóp izdenýdiń jemisi ekeni anyq. Prezıdent Táýelsizdikti, el men jerdiń bútindigin, halyqty, ult pen memlekettik múddeni qorǵaý jolynda bar kúsh-jigerin salyp, jan aıamaı eńbek ete beretinin jáne sony bıliktegi árbir tulǵadan talap etetinin nyq aıtty. Endeshe, Prezıdentimiz Qasym-Jomart Toqaevtyń bul Joldaýy eldi rýhtandyrady, qoǵamǵa oı salady, ár salanyń damýyna serpin beredi. Sóıtip, Qazaqstannyń jańa zaman tórinen, jańa álem órinen laıyqty oryn alýyna súbeli úles qosady degen senimdemin», - dedi depýtat.
«Bul jolǵy Joldaýdyń taǵy bir qundylyǵy sol, Memleket basshysy strategııalyq basymdyqtar syrtynda 5 naqty prezıdenttik bastamasyn jarııa etti. Birneshe mıllıon qazaqstandyqty qamtıtyn bul bastamalar azamattardyń kókeıkesti problemalaryn sheshýge baǵyttalǵan. Osynyń arqasynda Qazaqstan halqynyń áleýmettik jaǵdaıy, turmys deńgeıi, ál-aýqaty órleýge bet alady degen úmittemin», - deıdi Baqytbek Smaǵul.
Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.
