Bıylǵy «Jol kartasy» aıasyndaǵy jobalardyń 74 paıyzy oryndaldy
ASTANA. Qazannyń 18‑i. QazAqparat /Qanat Mámetqazyuly/ -Bıyl «Jol kartasy» aıasyndaǵy jobalardyń 74 paıyzy oryndaldy. Búgin QR Parlamenti Májilisinde ótken Úkimet saǵatynda QR Eńbek jáne halyqty áleýmettik qorǵaý mınıstri Gúlshara Ábdihalyqova osylaı málim etti.
«Jalpy halyqty eńbekpen qamtamasyz etý aıasynda 2009 jyly 5 myń 200 joba júzege asyrylyp, buǵan bıýdjetten 191,5 mıllıard teńge jumsaldy. Sonymen qatar, «Jol kartasy» baǵdarlamasy boıynsha 2010 jyly 145 mıllıard teńge jumsaý kózdelip otyr. Qazannyń 1‑indegi jaǵdaı boıynsha bul baǵytta 2 myń 633 joba aıaqtaldy. Bul «Jol kartasy‑2010» baǵdarlamasy aıasynda josparlanǵan jobalardyń 74 paıyzyn quraıdy», ‑dedi G.Ábdihalyqova.
Mınıstrdiń aıtýynsha, «Jol kartasy» aıasyndaǵy jobalardy júzege asyrý nátıjesinde 390 myń jumys orny ashylǵan. «Bul rette qysqa merzimdi kezek kúttirmeıtin shara retinde «Jol kartasy» ózin‑ózi aqtady dep aıtýǵa bolady. Degenmen, endigi kúni orta merzimdik jáne uzaqmerzimdik josparlarǵa basa nazar aýdaratyn ýaqyt jetti», - dedi mınıstr.
