Bıylǵy jaz aıtarlyqtaı ystyq bolmaıdy - Qazgıdromet
ASTANA. 11 maýsym. QazAqparat -Ystyq aýa raıy shilde aıynda Qazaqstannyń batysy men shyǵysynda, tamyzda - ońtústik pen ońtústik-shyǵysta kútilýde. Bul týraly «Qazgıdrometten» málim etti.
«Qazgıdromettiń» boljamdaryna sáıkes, jazdyń birinshi aıynyń alǵashqy jartysyndaǵy nósir jaýyndarǵa qaramastan, maýsym aıynda aýa temperatýrasy men jaýyn-shashyndardyń kólemi kóp jyldarǵy aýa raıyna jaqyn bolady. Tek Qazaqstannyń ońtústik bóliginde aılyq ortasha temperatýra ádettegiden 1-2 gradýsqa joǵary bolmaq.
Sonymen birge, aldyn ala boljamdar boıynsha, jaz maýsymynyń ortasynda Qazaqstannyń batysy men shyǵysynda aýa raıy ystyq bolady, respýblıkanyń batysy jaýyn-shashynnan tapshylyq kóredi dep kútilýde. Qalǵan aýmaqtarda aýa raıy kóp jyldarǵy qalyptyń ortasha deńgeıinde bolady.
Al tamyz aıynda kún eldiń ońtústigi men ońtústik-shyǵysynda ysıdy, respýblıkanyń soltústiginde, taýly jáne taý bókterlerinde jańbyrly bolady.
«Jalpy, 2011 jyldyń jaz aılary aptap ystyqtar bolǵan - 2010 jyldyń jazyndaı aıtarlyqtaı ystyq bolmaıdy», - delingen «Qazgıdromettiń» taratqan habarlamasynda.
Zertteýler kórsetkendeı, 1960-2010 jyldar aralyǵyndaǵy sońǵy 50 jylda jaz maýsymy salqyn jáne ylǵaldy emes, jyly jáne qurǵaq bolyp keldi.
