Bıylǵy jartyjyldyqta Emdeýge jatqyzý bıýrosynyń portaly qyzmetin 470 myńnan astam adam tutynǵan
ASTANA. 9 tamyz. QazAqparat - aǵymdaǵy jyldyń alǵashqy jartyjyldyǵynda Emdeýge jatqyzý bıýrosynyń portaly qyzmetine 470 myńnan astam qazaqstandyq júgingen.
Bul týraly búgin Astanada ótken baspasóz máslıhatynda Respýblıkalyq emdeýge jatqyzý bıýrosynyń basshysy Anar Qusaıynova málimdedi.
Onyń aıtýynsha, bul kórsetkish ótken jyldyń osyndaı kezeńindegi kórsetkishten 3 myń adamǵa kóp.
Bıýronyń bergen málimetterine sáıkes, emdeýge jatqyzýdyń eń joǵarǵy úles salmaǵy Qostanaı, Jambyl jáne Batys Qazaqstan oblystaryna tıesili bolyp otyr.
«Soǵan sáıkes, kútý paraǵynan alynyp tastalǵan ótinimder úlesi atalmysh aımaqtarda eń az, nebary 3 paıyzdy quraıdy», - dedi A. Qusaıynova.
