Bıylǵy jarty jylda sharýashylyqtardaǵy mal basy 22,8 paıyzǵa ósti - Úkimet otyrysy
ASTANA. 13 tamyz. QazAqparat - Bıylǵy jarty jylda sharýashylyqtardaǵy mal basy 22,8 paıyzǵa ósti.
Bul týraly búgin Úkimet otyrysynda Aýyl sharýashylyǵy mınıstri Asyljan Mamytbekov málim etti. «2012 jyly sharýashylyqtardaǵy mal basy 20,1 paıyzǵa ósti, al 2013 jylǵy qańtar-maýsymda bul kórsetkish 22,8 paıyzǵa artty. Sonymen qatar, 2009-2012 jyldar aralyǵynda agrosharýashylyqtarda iri qara mal basynyń jalpy kóleminde analyq mal basynyń úlesi 37,2 paıyzdan 43,9 paıyzǵa deıin ósti», - dedi mınıstr.
Onyń paıymdaýynsha, saladaǵy atalǵan úderis áli de jetkiliksiz. Bul turǵyda aýyl sharýashylyǵy salasyna ınvestıtsııanyń tómen deńgeıi tejeýish faktor retinde áser etýde.
