Bıylǵy úsh aıda negizgi kapıtalǵa salynǵan ınvestıtsııalar kólemi 852,8 mlrd. teńgeni qurady
ASTANA. 16 sáýir. QazAqparat - Qysqa merzimdi ekonomıkalyq ındıkator 2013 jylǵy qańtar-naýryzda ótken jylǵy osy kezeńge qaraǵanda 103,7% qurady.
Bul týraly QR Statıstıka agenttiginiń málimetterinde habarlandy.
2013 jylǵy qańtar-naýryzda negizgi kapıtalǵa salynǵan ınvestıtsııalar kólemi 852,8 mlrd. teńgeni qurady, bul ótken jylǵy sáıkes kezeńge qaraǵanda 8,5% artyq.
«2013 jylǵy qańtar-naýryzda ónerkásip óndirisiniń kólemi qoldanystaǵy baǵalarda 4511,8 mlrd. teńgeni qurady, bul 2012 jylǵy qańtar-naýryzǵa qaraǵanda 1,9% artyq. Ken óndirý ónerkásibinde jáne karerlerdi qazýda óndiris kólemi 2,7%, óńdeý ónerkásibinde 1,6% artty. Elektrmen jabdyqtaý, gaz, bý berý jáne aýa baptaýda 1,9%, sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris 7% tómendedi», delingen agenttik málimetterinde.
Bıylǵy atalǵan úsh aıda aýyl sharýashylyǵynda shyǵarylǵan óniminiń jalpy kólemi 206,9 mlrd. teńgeni qurap, naqty kóriniste 2012 jylǵy qańtar-naýryzdaǵy deńgeıden 0,4% artyq.
