Bıylǵy úsh aıda AHAT organdarynda 31,6 myń neke tirkeldi - QR Statıstıka agenttigi
ASTANA. QazAqparat - 2014 jylǵy qańtar-naýryzda AHAT organdarynda 31,6 myń neke tirkeldi. Bul týraly búgin QR Statıstıka agenttigindegi brıfıngte osy vedomstvonyń tóraǵasy Álıhan Smaıylov málim etti.
Onyń aıtýynsha, nekeler sany 2013 jylǵy sáıkes kezeńimen salystyrǵanda 7 % azaıdy. Atap aıtqanda, nekelesý kórsetkishi jaz jáne kúz aılarynda aıtarlyqtaı artady. 11,58 myń ajyrasýlar tirkelip, olardyń sany 0,2% kemidi.
«2014 jylǵy qańtar-naýryzda Qazaqstanǵa tirkelgen kelgender sany 2013 jylǵy qańtar-naýryzben salystyrǵanda 2,3% kemip, 4 853 adamdy qurasa, Qazaqstannan ketkender sany 0,4% kemip, 4 064 adamdy qurady. Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 86,1% jáne 83,2% qurady»,- dedi agenttik basshysy.
