Bıylǵy Ulttyq biryńǵaı testileýden bes oqýshy eń joǵary 125 ball jınady
ASTANA. QazAqparat - Bıylǵy Ulttyq biryńǵaı testileý qorytyndysy boıynsha bes oqýshy 125 ball aldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Bilim jáne ǵylym mınıstrliginiń Bilim berý men ǵylym salasyn qadaǵalaý komıtetiniń tóraǵasy Saıat Núsipov málim etti.
Eń joǵary 125 ball jınaǵandar: Taraz qalasyndaǵy №45 qazaq klassıka gımnazııasynyń bitirýshisi Erdosova Gúlnaz, Astana qalasynyń 59-mektep lıtseıiniń oqýshysy Mustafına Rıana, Batys Qazaqstan oblysy Terekti aýdanyndaǵy «Úmit» lıngvıstıkalyq gımanzııasynyń Samat Symbat, Ońtústik Qazaqstan oblysy Túlkibas aýdanyndaǵy úsh tilde oqytatyn daryndy balalarǵa arnalǵan arnaýly mektep ınternatynyń oqýshysy Abdazımova Laýra, Almaty qalasyndaǵy №9 lıtseı oqýshysy ıAkovleva Anastasııa. Byltyr bundaı dárejege jetkender sany tórteý bolatyn.
«Aıta keterligi 100 baldan joǵary alǵandar testileýge qatysqan mektep bitirýshilerdiń jalpy sanynyń 17,4 paıyzyn qurap otyr. Ol byltyrǵa qaraǵanda 2,4 paıyzǵa artyp, jalpy sany 14 myń 420 balaǵa jetti. Sonymen qatar, joǵary oqý oryndaryna túsý úshin shekti baldy eńsergender sany bes paıyzǵa ósti. Bul kórsetkish 2014 jyly -77 paıyz bolsa, 2015 jyly 82 paıyzǵa jetip otyr», - dedi S. Núsipov.
