Bıylǵy UBT sátti ótti - Bilim jáne ǵylym mınıstrligi
ASTANA. QazAqparat - Bilim jáne ǵylym mınıstrligi bıylǵy Ulttyq biryńǵaı testileýdi sátti ótti dep sanaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Bilim jáne ǵylym mınıstrliginiń Bilim berý men ǵylym salasyn qadaǵalaý komıtetiniń tóraǵasy Saıat Núsipov málim etti.
«Ulttyq biryńǵaı testileý bıyl óte sátti dep esepteımiz. 124 myń 346 oqý bitirýshi túlekterden 84 myń 248 bala qazaq tilinde bitirdi, bul - 70 paıyz. Qyryq myńnan astamy orys tilinde bitirdi. UBT-ǵa ótinish bergen 87 myń 783 bitirýshilerden 82 myń 865 oqýshy biryńǵaı testileýge qatysty. Bul 94,4 paıyzǵa teń», - dedi S.Núsipov.
Onyń aıtýynsha, bıyl «Altyn belgini» rastaǵan balalar sany on paıyzǵa ósken.
«Bul biz úshin óte jaǵymdy jańalyq», - dedi ol.
