Bıylǵy UBT boıynsha beınejazbalar 31 qazanǵa deıin tekseriledi
«Test tapsyrýǵa kirgizý kezinde tıisti metall izdegishter paıdalanylady. Bul talapkerlerdiń qaýipsizdigin qamtamasyz etip, ereje buzýǵa jáne tyıym salynǵan zattardy (uıaly telefon, shpargalka) alyp ótýge jol bermeý maqsatynda jasalady», - dedi R. Emelbaev Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, kalkýlıator men hımııadan Mendeleev kestesi kompıýter ekranynda kórsetiledi. Talapkerlerdiń usynysyn eskere otyryp, negizgi UBT-da hımııaǵa qatysty tuzdardyń erigishtik kestesiniń qaǵaz nusqasy beriledi.
«Testileý aıaqtalǵan soń, ár pán boıynsha jeke taqyryptyq taldaý bolady. Balalar óz nátıjelerin, sondaı-aq qaı taqyryptan qate jibergenin kórip, UBT-ny ekinshi ret tapsyrýǵa daıyndyǵyn jaqsarta alady», - dedi ortalyq basshysy.
Onyń sózine qaraǵanda, test tapsyrǵannan keıin 30 mınýt ishinde apellıatsııaǵa ótinish berý múmkindigi bar. Sertıfıkatty apellıatsııalyq komıssııanyń sheshiminen keıin talapkerdiń jeke kabınetinen alýǵa bolady.
«2023 jylǵy UBT aıaqtalǵannan keıin, 31 qazanǵa deıin testige qatysty beınejazbalarǵa taldaý jasalyp, túsirilgen vıdeo tekseriledi. Tyıym salynǵan zattardy paıdalaný nemese ereje talaptaryn oryndamaý faktileri anyqtalǵan jaǵdaıda, bul talapkerlerdiń UBT-ǵa qatysty nátıjeleri joıylady», - dedi Rýslan Emelbaev.
Budan buryn habarlanǵandaı, bıyl 18 mamyrda osy jyldaǵy negizgi UBT bastaldy jáne ol 5 shildege deıin jalǵasady.
Bıylǵy oqý jylyna 88 myń grant bólindi.
Osy jyly UBT-ny eki ret tapsyryp, eń jaqsy nátıjeni grant konkýrsyna ótkizýge bolady.
