Bıylǵy toǵyz aıdaǵy eksport 42,5 paıyzǵa tómendedi - E. Dosaev
ASTANA. QazAqparat - Bıylǵy toǵyz aıdaǵy eksport 42,5 paıyzǵa tómendedi. Bul týraly búgin Aqordada Memleket basshysy Nursultan Nazarbaevtyń tóraǵalyǵymen ótip jatqan Úkimettiń keńeıtilgen otyrysynda bıyl 10 aıdaǵy elimizdiń áleýmettik-ekonomıkalyq damýynyń aldyn ala nátıjesin baıandaý kezinde QR Ulttyq ekonomıka mınıstri Erbolat Dosaev málim etti.
«Qurylys jumystarynyń kólemi 3,8 paıyzǵa, qurylys materıaldarynyń óndirisi 4,2 paıyzǵa, turǵyn úı qurylysyna ınvestıtsııalar kólemi 13,4 paıyzǵa ósti. Qyzmet kórsetý salasynda turaqty ósim baıqalýda, onyń ishinde kólik salasyndaǵy qyzmet kórsetý 5,6 paıyzǵa artty», - dedi mınıstr.
Onyń sózine qaraǵanda, Qazaqstannyń bıylǵy toǵyz aıdaǵy eksporty 42,5 paıyzǵa , al ımport 23,8 paıyzǵa qysqardy.
«Teńgeniń erkin baǵamyna kóshý nátıjesinde qazanda ınflıatsııa 5,2 paıyzdy qurady, jyldyq mánde 9,4 paıyzdy qamtydy. Qazanda jumyssyzdyq deńgeıi 4,9 paıyzdy qurady», - dedi E. Dosaev.
