Bıylǵy toǵyz aıda Qazaqstanda 44 myńnan astam jol-kólik oqıǵalary boldy
ASTANA. 17 qazan. QazAqparat - Bıylǵy toǵyz aıdan elimizde 44 myńnan astam jol-kólik oqıǵalary boldy, onyń 9700 jaǵdaıynda adamdar zardap shekti.
Bul jaıynda QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń tóraıymy Sáýle Aıtbaeva aıtty.
Onyń aıtýynsha, zardap shekkenderdiń sany 13 980-di qurap, 2 029-y qaza tapty.
«Byltyrdan bastap QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti adamdardyń jaraqattanýyna nemese qaza bolýyna alyp kelgen jol-kólik oqıǵalaryn biryńǵaı statıstıkalyq esepke alýdy júrgizý týrasynda ýákiletti organ bolyp tabylady. Jol apatynyń aýqymy paıymdaǵanymyzdan anaǵurlym ózekti ekenin baıqadyq», - deıdi S. Aıtbaeva.
