Bıylǵy tamyzda Qazaqstandaǵy ınflıatsııa 0,2 paıyzdy qurady
ASTANA. 2 qyrkúıek. QazAqparat - Azyq-túlik emes taýarlaryna baǵa ótken aıda 0,3%, aqyly qyzmetterge - 0,5%-ǵa ósti. Azyq-túlik taýarlaryna baǵa ındeksi 100%-dy qurady. Bul týraly QR Statıstıka agenttiginen habarlandy.
Ótken aıda respýblıka boıynsha orta eseppen baǵanyń tómendeýi jańa jınalǵan kókónisterge 5,6%, kartopqa - 1,2%, jańadan jınalǵan jemisterge - 0,9%, qaraqumyq jarmasyna - 0,8%, kúnbaǵys maıyna - 0,3%-dan tirkeldi.
Al baǵanyń ósýi untaq jarmaǵa, jumyrtqaǵa 1,8%-dan, kúrishke - 1,4%, suly, arpa jarmalaryna - 0,9%-dan, makaron ónimderine - 0,6%, aıran, súzbege - 0,5%-dan, qumshekerge - 0,4%-ǵa, sıyr etine, shaıǵa - 0,3%-dan belgilendi.
Baǵalar oqýshylardyń ranetsi, rıýkzagyna 3,5%, mektep jasyndaǵy balalarǵa arnalǵan kostıýmge - 2,7%, keńse taýarlary men syzý quraldaryna - 2,3%-ǵa ósti. Baǵanyń ósimi tsementke 0,9%, kitap, gazet jáne jýrnaldarǵa - 0,5%, jýǵysh jáne tazalaǵysh quraldarǵa - 0,4%, dári-dármekterge - 0,3% qurady.
Alys qashyqtyqqa qatynaıtyn jolaýshylardyń temir jol kólik jolaqysy 1,5%, demalys jáne sporttyq is-sharalar salasyndaǵy qyzmetterine - 0,8%, meıramhanalar men qonaq úılerdiń - 0,4%, densaýlyq saqtaý, shashtarazdar men jeke qyzmet kórsetý oryndarynyń qyzmetterine - 0,3%-dan qymbattady.
Turǵyn úı-kommýnaldyq qyzmetter salasynda tarıfter sýyq sýǵa 4,3%, kárizge - 3,7%, qoqys áketýge - 2,1%, turǵyn úıdi kútip ustaýǵa - 1,7%, taratý jelileri boıynsha tasymaldanatyn gazǵa - 0,7%, elektr energııasyna - 0,2%-ǵa ósti, al ystyq sýǵa - 0,1%-ǵa tómendedi.
