Bıylǵy tamyzda Astanada álemniń eń tanymal dzıýdoshylary jınalady
ASTANA. QazAqparat - Tamyz aıynda Qazaqstanda Dzıýdo kúresinen eresekter arasyndaǵy Álem chempıonaty ótedi. Bul týraly búgin Ortalyq kommýnıkatsııalar qyzmetindegi brıfıngte Dzıýdo federatsııasynyń birinshi vıtse-prezıdenti Marat Myqtybekov málim etti.
Aǵymdaǵy jyl «Sporttyq jekpe-jek jáne kúsh qoldanylatyn sport túrleri konfederatsııasy men Dzıýdo federatsııasy úshin óte mańyzdy jyl retinde belgilenip otyrǵandyǵyna toqtalǵan M. Myqtybekov, «Bıyl tuńǵysh ret Qazaqstanda, atap aıtqanda Astanada Dzıýdo kúresinen eresekter arasyndaǵy Álem chempıonaty ótedi. Tamyz aıynyń 25-i 30-y aralyǵynda elordamyzǵa álemdegi eń tanymal sportshylar jınalady. Chempıonatqa álemniń 100-den astam eli qatysady dep kútilýde»,-dedi.
Osy oraıda ol osy chempıonatqa byltyrdan beri qyzý daıyndyq júrip jatqandyǵyn atap ótti. Bul baǵytta álem birinshiliginiń saıty iske qosyldy.
Sonymen qatar federatsııa ókili búginde Qazaqstanda sporttyń osy túrine arnalǵan jattyǵý ótkizetin bazalardyń sany artyp kele jatqandyǵyn, osy baǵytta bıyldyń sońyna deıin Almaty qalasyndaǵy Dzıýdo ortalyǵy paıdalanýǵa beriletindigin jetkizdi.
