Bıylǵy sý tasqyny sońǵy 37 jyldyń ishindegi eń aýqymdysy boldy
ASTANA. QazAqparat - QR ishki ister mınıstriniń orynbasary ıÝrıı Ilın jáne QR ІІM tótenshe jaǵdaılar komıtetiniń tóraǵasy Vladımır Bekker Petropavl qalasyna jaqyn Esil ózeni jáne odan tómen Reseı Federatsııasy Tıýmen oblysyna deıingi ózen alqabynda ornalasqan eldi mekenderdegi sý tasqynynan zardap shekken aımaqtardy tikushaqpen aralap shyqty, dep habarlaıdy TJ komıtetiniń baspasóz qyzmeti.
2017 jylǵa boljanǵan aýqymdy sý apaty zardabyn barynsha azaıtý, oblystaǵy tótenshe jaǵdaılardyń oryn alýy múmkindigin aldyn ala eskertý boıynsha keshendi sharalar júrgizildi. Injenerlik qorǵaý boıynsha 61 eldi mekende 49 shaqyrymǵa jýyq jerdiń bógetteri nyǵaıtyldy, 18 shaqyrymǵa jýyq sý burǵysh kanaldar qazyldy.
Injenerlik jumystardy júrgizý, sondaı-aq, sý ótkelderi arqyly adam jáne azyq-túlik tasymaldaý, Esil ózenindegi sý deńgeıin baqylaý jumystaryna 2007 adam, 394 birlik tehnıka jáne 23 júzý quraldary, 94 motopompa, sondaı-aq, QR ІІM tótenshe jaǵdaılar komıssııasy kúshteri men quraldary, Astana jáne Almaty qalalarynan 3 jedel-qutqarý toptary jumyldyryldy.
Soltústik Qazaqstan oblysy TJ departamenti jáne jergilikti atqarýshy organdardyń birlesýimen sý alǵan eldi mekenderdegi adam tasymaly, sý basqan terrıtorııalarda sýdy tartyp shyǵarý jáne Esil ózenindegi sý deńgeıin baqylaý jumystary júrgizilip jatyr.
