Bıylǵy shildeden bastap Qazaqstannyń avtoónerkásip salasy óndiristiń daǵdarysqa deıingi deńgeıine shyqty
ASTANA. QazAqparat - Barsha barsha qazaqstandyq avtoóndirýshilerdiń óndiris kólemi 40 paıyzdan astam kórsetkishke qysqardy. Bul týraly búgin Qazaqstan mashına jasaýshylarynyń úshinshi forýmynda barysynda tilshilerge bergen suhbatynda Qazaqstan avtobıznes qaýymdastyǵynyń tóraǵasy Andreı Lavrentev málim etti.
«Barsha barsha qazaqstandyq avtoóndirýshilerdiń óndiris kólemi 40 paıyzdan astam kórsetkishke qysqardy. Eger de ótken jyly bizde 39 myń bolsa, bıyl biz 20 myńǵa nemese ortaq kúsh-jigerdiń nátıjesinde 22 myńǵa jaqyndap qalarmyz. Jyldyń basyndaǵy reseılik rýbldiń devalvatsııasy bizge aıtarlyqtaı áser etti. Sonymen qatar álemdegi ekonomıkalyq úrdistiń de yqpaly boldy», - dep toqtaldy A. Lavrentev.
Onyń sózine qaraǵanda, QR Úkimetiniń qoldaýymen bolǵan jeńildetilgen nesıelendirý baǵdarlamasy avtoóndirýshilerge shilde aıynan bastap óndiristi daǵdarysqa deıingi deńgeıge shyǵýǵa múmkindik berdi.
«Árıne, biz osynyń aldynda joǵaltyp alǵan jarty jyldaǵy kórsetkishti qýyp jete almaımyz. Biraq ta, ekinshi jartyjyldyqtan bastap óndiris kólemi men jańa jabdyqtardy satyp alý kórsetkishin arttyrýdamyz. Sondyqtan bolashaqqa optımıstik kózqarasymyz bar. Sondaı-aq lokalızatsııa (kólikterdiń tetikteriniń basym bóligin elimizde shyǵarý) boıynsha da ózimizdiń josparlarymyzdy oryndaýǵa mán beremiz»,-dep túıdi qaýymdastyqtyń tóraǵasy.
