Bıylǵy shildede jalaqynyń eń úlken mólsheri qarjy jáne saqtandyrý salalaryna tıesili boldy
ASTANA. 7 qyrkúıek. QazAqparat - 2012 jylǵy shildedegi bir qyzmetkerdiń ortasha aılyq ataýly jalaqysy 106620 teńgeni qurady. Bul jaıynda búgin QR Statıstıka agenttiginiń málimetterinde aıtylǵan.
Ataýly jalaqy ındeksi 2011 jylǵy maýsymǵa 114,7%, al naqty jalaqy ındeksi 109,5% qurady.
Salalyq qurylymda jalaqynyń eń úlken mólsheri qarjy jáne saqtandyrý qyzmetinde - 205,2 myń teńge (ortasha respýblıkalyq deńgeıden 1,9 esege asady), kásibı, ǵylymı jáne tehnıkalyq qyzmette 195,4 myń teńge (1,8 ese), ken óndirý ónerkásibi jáne karerlerdi qazýda - 181,5 myń teńge (1,7 ese) belgilendi. Eń tómengi jalaqy aýyl, orman jáne balyq sharýashylyǵyndaǵy qyzmetkerlerinde belgilendi - 48,9 myń teńge, bul el boıynsha orta kórsetkishten 54,2%-ǵa tómen.
Óńirlik bóliniste eń joǵary jalaqy Atyraý oblysynda belgilendi - 183,3 myń teńge, bul ortasha respýblıkalyq kórsetkishten 1,7 esege asady. Soltústik Qazaqstan oblysynda munyń shamasy 71,6 myń teńgeni qurady, bul el boıynsha ortasha deńgeıden 32,8%-ǵa tómen.
