Bıylǵy shildede azyq-túlik baǵalary ótken jyldyń sáıkes kezeńimen salystyrǵanda 5,3 paıyzǵa ósti - Statıstıka
ASTANA. Tamyzdyń 2-si. QazAqparat /Marlan Jıembaı/ - Aǵymdaǵy jyldyń shilde aıynda elimizde azyq-túlik baǵalary ótken jyldyń shildesimen salystyrǵanda 5,3 paıyzǵa ósti.
Bul aqparatty QR Statıstıka agenttigi jarııalap otyr.
Aǵymdaǵy jyldyń shilde aıynda ótken jyldyń sáıkes kezeńimen salystyrǵanda qant - 23,1, kofe, shaı jáne kakao - 12,9, kondıterlik ónimder - 8,5, maı men toń maı - 8,3, sút ónimderi - 6,8, alkogoldi sýsyndar - 5,6, toqash pen un ónimderi 4,4 paıyz qymbattady. Al baǵanyń tómendeýi unǵa 18,3, jarmaǵa - 5,4, nanǵa - 1,9, makaron ónimderine - 1,3, jemister men kókónisterge - 0,4 paıyzǵa baıqaldy.
Atalǵan kezeńde et jáne et ónimderiniń baǵasy 9,7 paıyz ósimdi qurady. Atap aıtqanda, shujyq ónimderi - 8,4, qoı eti - 6,6, qus eti - 3,8, jylqy eti - 3,4, shoshqa eti 9,3 paıyzǵa joǵarylady.
