Bıylǵy sáýirde Qazaqstandaǵy ınflıatsııa 0,3 paıyzdy qurady
ASTANA. 2 mamyr. QazAqparat - Ótken aıda azyq-túlik jáne azyq-túlik emes taýarlardyń baǵalary 0,2 paıyzǵa, aqyly qyzmetter - 0,5 paıyzǵa artty. Bul týraly QR Statıstıka agenttiginen habarlandy.
Belgili bolǵandaı, ótken aıda respýblıka boıynsha ortasha alǵanda qyzylsha baǵasy 2,4 paıyzǵa, sábiz - 2,3 paıyzǵa, jumyrtqa - 1,6 paıyzǵa, qoı eti - 0,7 paıyzǵa, kartop - 0,6 paıyzǵa, makaron ónimderi men balyq jáne teńiz ónimderine baǵa 0,4 paıyzdan ósti.
Budan bólek, qııar baǵasy 7,1 paıyzǵa, qyzanaq - 2,8 paıyzǵa, qaraqumyq jarmasy - 2,4 paıyzǵa, kúnbaǵys maıy men pııaz - 0,8 paıyzdan, qyryqqabat - 0,7 paıyzǵa arzandaǵany baıqaldy.
Kıim men aıaqkıim jáne qurylys materıaldary quny 0,3 paıyzǵa, turmystyq toqyma buıymdary men farmatsevtıkalyq ónim baǵasy 0,2 paıyzǵa artty.
Qalaaralyq avtobýspen júrý quny 1,4 paıyzǵa, densaýlyq saqtaý qyzmetteri men mektepke deıingi jáne bastaýysh bilim berý - 1 paıyzǵa, shashtaraz - 0,8 paıyzǵa qymbattasa, al alys qashyqtyqqa temir jol arqyly jolaýshylar kóligimen júrý baǵasy 1,1 paıyzǵa arzandady.
Turǵyn úı kommýnaldyq qyzmet salasynda salqyn sý tarıfi 4 paıyzǵa, káriz - 2,7 paıyzǵa, sondaı-aq úıdi kútý tarıfi 1,7 paıyzǵa ósti.
