Bıylǵy oqý jylynda Qazaqstanda tehnıkalyq jáne kásiptik bilim beretin 800 oqý orny bar
ASTANA. 3 aqpan. QazAqparat - QR Statıstıka agentigi 2011/12 oqý jylynyń basyndaǵy jaǵdaı boıynsha, Qazaqstan Respýblıkasyndaǵy tehnıkalyq jáne kásiptik bilim beretin mekemelerge qatysty málimetterdi shyǵardy.
2011-2012 oqý jylynyń basyna Qazaqstan Respýblıkasynda tehnıkalyq jáne kásiptik bilim beretin 804 derbes mekeme jáne 88 fılıal jumys isteıdi. Oqý oryndarynyń jalpy sanynyń 310-y kásiptik lıtseıler, olardyń sany ótken jylmen salystyrǵanda 0,3 paıyzǵa kóbeıdi. Kolledjder sany ótken jylǵydaı 494 boldy. 58,2 paıyzy nemese 468 oqý orny memlekettik bolyp tabylady, olarda 350,7 myń adam oqıdy.
Oqýshylardyń jalpy sany 601,8 myń adamdy qurady, onyń ishinde 280,7 myń adam nemese 46,6 paıyzy - qyzdar. 2010-2011 oqý jylymen salystyrǵanda oqýshylar sany 0,4 paıyzǵa qysqardy. Oqýshylardyń jalpy sanynan 59,8 paıyzy - negizgi orta bilim berý negizinde, 38,6 paıyzy - jalpy orta bilim berý jáne 1,6 paıyzy - kásiptik lıtseı negizinde oqıdy. Kúndizgi oqý nysandarynda oqýshylardyń 78,7 paıyzy oqıdy, keshki jáne syrttaı - tıisinshe 0,7 jáne 20,6 paıyzy tálim alady.
Memlekettik tilde oqıtyn oqýshylar sanynyń ósý úrdisi saqtalýda. Oqýshylardyń jalpy sanynyń 53 paıyzy nemese 318,8 myń adam qazaq tilinde oqytylady. Al qalǵandary úshin sabaqtar (2010-11 oqý jylynyń basyna - 51,7% nemese 312,5 myń adam) orys (281,6 myń adam nemese 46,8%), ózbek, sondaı-aq uıǵyr tilderinde júrgiziledi.
Respýblıkanyń tehnıkalyq jáne kásiptik bilim beretin uıymdarynda 39,5 myń oqytýshy men 6 myń óndiristik oqytý sheberleri jumyspen qamtyldy. Áıelderdiń úles salmaǵy tıisinshe 73,5 paıyz jáne 46,1 paıyzdy qurady. Pedagog qyzmetkerlerdiń jalpy sanynyń 34,1 myńy nemese 86,4 paıyzy oqý oryndarynyń shtatynda turady, qyzmetti qosa atqarýshylyq shartymen 13,6 paıyzy qabyldandy. 9,9 myń oqytýshy men 0,6 myń óndiristik oqytý sheberleriniń joǵary sanaty bar, bul olardyń jalpy sanynan, tıisinshe 25,1 paıyz jáne 9,8 paıyzdy quraıdy. Oqytýshylardyń 93,4 paıyzy jáne óndiristik oqytý sheberleriniń 46,2 paıyzy joǵary bilimdi.
Tehnıkalyq jáne kásiptik bilim beretin uıymdar ǵımarattarynyń jalpy aýdany 2011-2012 oqý jylynyń basyna 4889,1 myń sharshy metrdi qurady, odan 95,4 paıyzy oqý oryndardyń jekemenshigi bolyp tabylady.
