Bıylǵy maýsymda Qazaqstan Respýblıkasynda kúnkóristiń eń tómengi deńgeıi 13 965 teńge boldy - Statıstıka
ASTANA. Shildeniń 1-i. QazAqparat /Gúlmıra Álıakparova/ - 2010 jylǵy maýsymda Qazaqstan Respýblıkasynda kúnkóristiń eń tómengi deńgeıi 13 965 teńgeni qurady.
Bul týraly QR Statıstıka agenttigi habarlaıdy.
2010 jyldyń maýsymynda negizgi tamaq ónimderin tutynýdyń eń tómengi normalarynan orta eseppen eseptelgen halyqtyń jan basyna shaqqandaǵy kúnkóristiń eń tómengi deńgeıi, ótken aımen salystyrǵanda - 6,8 paıyzǵa, al 2009 jyldyń maýsymyna qaraǵanda - 4,3 paıyzǵa ósti.
Onyń qurylymynda et pen balyqty satyp alýǵa jumsalǵan shyǵystardyń úlesi - 18,9 paıyzdy, sút, toń maı ónimderi men jumyrtqaǵa - 15, jemister men kókónisterge - 15,2, nan jáne jarma ónimderine - 8,2, qant, shaı jáne dámdeýishterge - 2,7 paıyzdy qurady.
Maýsym aıynda kúnkóristiń eń tómengi deńgeıi orta eseppen 13 965 teńge shamasynda belgilengen bolsa, 0-13 jas aralyǵyndaǵy balalar úshin ol - 10 923 teńgeni; 14-17 jastaǵy jasóspirimderge, onyń ishinde uldarǵa - 17 659 jáne qyzdarǵa - 13 530 teńgeni; 18 jastan asqan, eńbekke qabiletti: erler úshin - 16 701 jáne áıelderge - 13528 teńgeni; sondaı-aq zeınetkerler men qart adamdarǵa 13 087 teńgeni qurady.
