Bıylǵy maýsym aıynda zeınetaqy jınaǵy 4,8 paıyzǵa artty – Ulttyq bank
«Salymshylardyń (alýshylardyń) zeınetaqy jınaǵy 2022 jylǵy maýsymda 613,7 mlrd teńgege nemese 4,8 paıyzǵa ulǵaıyp, 13 384,5 mlrd teńge boldy. Zeınetaqy aktıvterin ınvestıtsııalaýdan túsken taza kiris 2022 jylǵy 1 shildede 7 246,6 mlrd teńgege deıin 505,4 mlrd teńgege artty», - delingen Ulttyq bank málimetinde.
Mindetti zeınetaqy jarnalary boıynsha salymshylardyń jeke zeınetaqy shottarynyń sany (zeınetaqy jınaqtary joq JZSh-ny eskere otyryp) 1 shildede 10,9 mln boldy. 2022 jylǵy maýsymda zeınetaqy tólemderiniń somasy 36,7 mlrd teńgeni qurady.
«2022 jylǵy 1 shildede BJZQ jıyntyq ınvestıtsııalyq portfeliniń negizgi úlesin Qazaqstan Respýblıkasynyń memlekettik baǵaly qaǵazdary men Qazaqstan emıtentteriniń memlekettik emes baǵaly qaǵazdary (tıisinshe, zeınetaqy aktıvteriniń jalpy kóleminiń 42,6%-y jáne 21,4%-y) alyp otyr», - dep atalyp ótken UB aqparatynda.