Bıylǵy qystyń 20 kúninde qar qursaýynan 900-den astam adam qutqaryldy
ASTANA. 20 jeltoqsan. QazAqparat - Bıylǵy qysta kóktaıǵaq, boran jáne tómen temperatýranyń saldarynan respýblıkalyq joldardy jabý týraly sharalar 104 ret qabyldandy.
Bul týraly búgin Astanada ótken brıfıngte QR TJM Tótenshe jaǵdaılardy joıý departamenti apattyq qutqarý qyzmeti kúshteri men quraldary basqarmasynyń sarapshysy Úmit Aldanbergenova aıtty.
«Qarasha, jeltoqsan aıdarynda «Qazgıdromet» RMK elimizdiń ortalyq, Soltústik jáne Shyǵys óńirleriniń barlyq oblystarynda aýa raıy jaǵdaıynyń kúrt nasharlaýyna baılanysty 11 márte eskertý jarııalady. Kóktaıǵaq, boran jáne tómen temperatýra saldarynan birqatar oblystarda 104 ret avtokóliktiń barlyq túrleri úshin qozǵalysy shekteldi», - dedi ol.
Belgili bolǵandaı, osy jylǵy qystyń 20 kúninde QR TJM qutqarýshylary qar qursaýynan 943 adamdy qutqaryp, 146 avtokólikti evakýatsııalady.
