Bıylǵy qysta qar qursaýynan 10 myń adam shyǵaryldy - QR TJM
ASTANA. 1 sáýir. QazAqparat - Qys bastalǵannan beri Qazaqstannyń qutqarýshylary qar qursaýynan 10 myńǵa jýyq adamdy qutqaryp, qaýipsiz jerge kóshirdi jáne 3,5 myń tehnıkany súırep shyǵardy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Tótenshe jaǵdaılar vıtse-mınıstri Valerıı Petrov málim etti.
«Bıyldyń tek 7-10 naýryzy aralyǵynda (elmizidiń birqatar óńirindegi borandy kúnderi) 112 nómirine azamattardyń tarapynan 80 myńnan astam habar kelip tústi. Olar qar qursaýynan shyǵarý úshin kómek surady»,-dedi vıtse-mınıstr.
Onyń aıtýynsha, qutqarýshy bólimder izdestirý qutqarý jumystaryna 152 ret shyǵyp, osy oraıda 3 316 azamat pen 1 478 tehnıka qaýipsiz jerge kóshirildi. Bunyń ishinde 31-i avtobýs.
«Qardyń basyp qalýynan adamdardyń ólimine baılanysty qaıǵyly oqıǵaǵa jol berilgen joq»,-dep túıdi V. Petrov.
