Bıylǵy kúzde Qarýly Kúshter qataryna 12 myńnan astam jas shaqyrylmaq

ASTANA. QazAqparat - Bıylǵy kúzde QR Qarýly Kúshteriniń qataryna 12 myńnan astam jas shaqyrylady, dep habarlaıdy QR Qorǵanys mınıstrliginen.

«1 qazanda Qazaqstan Qarýly Kúshteriniń bólimderi men quramalaryn jas býynmen jasaqtaý boıynsha medıtsınalyq jáne shaqyrý komıssııalary jumysyn bastady. Bıylǵy kúzde QR Qarýly Kúshteriniń qataryna 12 myńnan astam jas shaqyrylady. Áskerı bólimderge irikteý jáne bólip taratý kezinde jastardyń ásker qataryna shaqyrylǵanǵa deıin alǵan mamandyqtary eskeriletin bolady», delingen habarlamada.

Sondaı-aq onda kúzgi ásker qataryna shaqyrý «Áskerı qyzmet jáne áskerı qyzmetshilerdiń mártebesi týraly» Zańǵa jáne Memleket basshysynyń QR azamattaryn 2014 jylǵy sáýir-maýsym jáne qazan-jeltoqsanda merzimdi áskerı qyzmetke kezekti shaqyrý týraly Jarlyǵyna sáıkes júrgiziletini habarlanǵan.