Bıylǵy kóktem-jaz maýsymynda qandaı túster sánde bolady
Pantone Color Institute málimetinshe, osy jyldyń trendine 18-1750 nómirli kúlgin astary bar tańqýraı túsi bolady. Onyń resmı ataýy - Viva Magenta.
«Jalpy, tústerdi tańdaýda eshqandaı shekteý joq, biraq Pantone nusqasy boıynsha tańqýraı - Viva Magenta - jyl túsi boldy. Biraq bul túster barlyq kıimge jaramaıdy, tústerdi assortımentke baılanysty tańdaý kerek dep oılaımyn. Eger bul kejýal (casual) bolsa, tynyshtandyratyn tústerdi tańdaǵan durys, eger bul keshki sán bolsa, qazir ashyq reńkter trendte», - deıdi tanymal qazaqstandyq sánger, dızaıner Naıl Baıkýchýkov.
Almatyda ótip jatqan Qazaqstan sán aptalyǵynyń 32-shi maýsymynda dızaıner qyzdarǵa ashyq tústi tańdaýǵa keńes berdi.
«Qyz-kelinshekterge ashyq, jyly tústerdi tańdaýǵa keńes berer edim. ıAǵnı kókshil, záıtún, ashyq kúlgin túster», - dedi Naıl Baıkýchýkov.
Dızaıner Aıda Qaýmenova da qazir qyzyl reńk trendte ekenin tilge tıek etti.
«Sánniń áleýmettik bolmys ekenin atap ótkim keledi. Aldymen siz Pantone tús ınstıtýtynyń keńesine qulaq asasyz, sodan keıin eýropalyq dızaınerlerdiń toptamalaryn qaraısyz. Qazir eń sándi tús - Viva Magenta. Ony Pantone ınstıtýty usynyp qana qoıǵan joq, ol álemdik zertteýlermen aınalysady. Bul tús, árıne, meniń kollektsııamda bolady, alaıda eshkim názik, aq, aqshyl tústerdi alyp tastaǵan joq. Matanyń tekstýrasyna kelsek, paıetkaly mata ózekti bola bastady, ol túrli jeńil matalarmen, shıfonmen, tormen óte ádemi úılesedi», - deıdi sánger.
Qazaqstandyq dızaıner Nazym Qarpyqova bıyl qyzǵylt tústiń barlyq reńkteri sánge aınalǵanyn atap ótti.
Biraq óz kollektsııasynda kóktemgi tústerdi kóbirek paıdalanady: jasyl jáne sary.
Sonymen qatar, dızaıner qazir jastardyń qaı stıldi kóbirek tańdaıtynyn aıtty.
«Qazir jastar pank stılin jaqsy kóredi. Bul strıt staıl stıline, ıaǵnı keń, jeńil kıimderge uqsaıdy. Olar keń kostıýmder men shalbarlardy jaqsy kóredi. Bul sán Azııadan kelgen sııaqty», - dedi ol.
Al, dızaıner Erlan Joldasbek bıyl kók pen qara túster de trendte ekenin aıtady.
