Bıylǵy qazanda qyzmetkerlerdiń arasynda turaqtamaý sebepteri boıynsha jumystan bosatylǵandar 85,5 paıyzdy qurady
ASTANA. 21 qarasha. QazAqparat - Jedel derekterge sáıkes, aǵymdaǵy jylǵy qazanda iri jáne orta kásiporyndarǵa, sondaı-aq uıymdarǵa 82,3 myń adam qabyldandy, túrli sebeptermen - 78,4 myń adam jumystan ketti. Bul týraly QR Statıstıka agenttiginiń málimetinde habarlandy.
Jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 85,5%, qyzmetkerler sanynyń qysqartylýyna nemese kásiporynnyń taratylýyna baılanysty - 3,1%, basqa sebepter boıynsha - 11,4% qurady. «Aǵymdaǵy jylǵy qazanda qabyldaý boıynsha aınalym koeffıtsıenti 2,5%, jumystan bosatý boıynsha aınalym - 2,4%, jumys kúshiniń turaqsyzdyq koeffıtsıenti - 2,1% qurady. Osy kezeńde jumys kúshin aýystyrý koeffıtsıenti 105,1% qurady»,-delingen agenttik málimetinde.
