Bıylǵy qazanda Qazaqstan Respýblıkasyndaǵy ınflıatsııa 0,7 paıyzdy qurady
ASTANA. 1 qarasha. QazAqparat - Ótken aıda elimizde baǵalar azyq-túlik jáne azyq-túlik emes taýarlarǵa 0,6 paıyzǵa, aqyly qyzmetterge 0,9 paıyzǵa ósti.
Bul jaıynda QR Statıstıka agenttiginiń málimetterinde aıtyldy.
Ótken aıda baǵanyń joǵarylaýy jumyrtqaǵa 5,8 paıyzǵa, makaron ónimderine - 2,1 paıyz, unǵa - 2 paıyz, kúnbaǵys maıyna - 1,4 paıyz, kofe, shaı jáne kakaoǵa - 0,9 paıyz, sút ónimderine - 0,7 paıyz, toqash jáne unnan daıyndalatyn kondıterlik ónimderge, etke jáne qus etine - 0,5 paıyz, balyq jáne teńiz ónimderine, kondıterlik ónimderge - 0,4 paıyz, kúrishke, jańa jınalǵan jemister jáne kókónisterge - 0,3 paıyz jáne nanǵa - 0,2 paıyzǵa belgilendi.
Baǵanyń tómendeýi qantqa 1,9 paıyz, kartopqa - 0,9 paıyz, jarmalarǵa - 0,4 paıyzǵa tirkeldi.
Baǵa qatty otynǵa 1,6 paıyz, gazetter jáne merzimdik basylymdarǵa - 0,7 paıyzǵa, kıim jáne aıaq kıimge, jeke kútimge arnalǵan taýarlarǵa - 0,5 paıyzǵa, turmystyq toqyma buıymdarǵa, jýǵysh jáne tazalaǵysh quraldarǵa - 0,3 paıyzǵa ósti.
Dızel otyny 5 paıyzǵa, benzın - 2,5 paıyzǵa qymbattady.
Baǵa deńgeıi kólik qyzmetterinde 1,9 paıyzǵa, bilim berýde - 1,4 paıyz, meıramhanalar men qonaq úılerde - 1,1 paıyzǵa, shashtarazdar jáne jeke qyzmet kórsetý oryndarynda - 0,9 paıyzǵa, densaýlyq saqtaýda - 0,5 paıyzǵa, demalys, oıyn-saýyq jáne mádenıet salasynda - 0,3 paıyzǵa ósti.
Turǵyn úı-kommýnaldyq qyzmetter salasynda tarıfter ortalyq jylytýǵa, taratý jelileri boıynsha tasymaldanatyn gazǵa 2 paıyzdan, qoqys jınaýǵa - 0,6 paıyzǵa, ystyq sýǵa - 0,5 paıyzǵa, elektr energııasyna, turǵyn úıdi kútip ustaýǵa - 0,3 paıyzǵa joǵarylady.
