Bıylǵy qazan aıynda Qazaqstan Respýblıkasynda kúnkóristiń eń tómengi deńgeıi 14 752 teńgeni qurady - Statıstıka
ASTANA. 1 qarasha. QazAqparat /Gúlmıra Álıakparova/ - 2010 jylǵy qazanda Qazaqstan Respýblıkasynda kúnkóristiń eń tómengi deńgeıi 14 752 teńgeni qurady.
Bul týraly QR Statıstıka agenttiginen habarlady.
2010 jyldyń qazan aıynda negizgi tamaq ónimderin tutynýdyń eń tómengi normalarynan orta eseppen eseptelgen halyqtyń jan basyna shaqqandaǵy kúnkóristiń eń tómengi deńgeıi, ótken aımen salystyrǵanda - 2,8 paıyzǵa, al 2009 jyldyń qazan aıyna qaraǵanda - 12,1 paıyzǵa ósti.
Onyń qurylymynda et pen balyqty satyp alýǵa jumsalǵan shyǵystardyń úlesi - 18,6 paıyzdy, sút, toń maı ónimderi men jumyrtqaǵa - 14,5, jemister men kókónisterge - 16,2, nan jáne jarma ónimderine - 8,1, qant, shaı jáne dámdeýishterge 2,6 paıyzdy qurady.
Qazan aıynda kúnkóristiń eń tómengi deńgeıi orta eseppen 14 752 teńge shamasynda belgilengen bolsa, 0-13 jas aralyǵyndaǵy balalar úshin ol - 12 946 teńgeni; 14-17 jastaǵy jasóspirimderge, onyń ishinde uldarǵa - 18 361 jáne qyzdarǵa - 14 067 teńgeni; 18 jastan asqan, eńbekke qabiletti: erler úshin - 17 359 jáne áıelderge - 13 768 teńgeni; sondaı-aq zeınetkerler men qart adamdarǵa 13 624 teńgeni qurady.
