Bıylǵy qasıetti Ramazan aıynyń birinshi kúni bekitildi
ASTANA. QazAqparat - Qazaqstan musylmandary dinı basqarmasynyń tóralqa májilisinde 2014 jyldyń 28 maýsymy - qasıetti Ramazan aıynyń birinshi kúni bolyp bekitildi.
Bas múftı Erjan qajy Malǵajyulynyń tóraǵalyǵymen ótken tóralqada Ramazan aıyna daıyndyq jumystary pysyqtaldy. Bas múftı saýaby eselenip beriletin qasıetti aıda qaıyrymdylyq aktsııalaryn kóbirek uıymdastyrýdy mamdardyń qaperine saldy, dep habarlaıdy www.muftyat.kz.
Elimizdegi meshitter men medreselerde Ramazan aıy joǵary deńgeıde ótkizilmek. Qoǵamdyq kólikterge, qoǵamdyq oryndarǵa, saýda úılerine banner men bılbordtar ilinedi. Sonymen qatar, qasıetti Qadir túni keshinde arnaıy ǵıbratty sharalar uıymdastyrý josparlanyp otyr. Qalalyq avtobýstarda qasıetti aıdyń qurmetine tegin júrý aktsııalaryn júzege asyrý da kózdelýde.
«Ramazan - musylmandardyń aýyzbirshiligin arttyratyn, ózara baýyrmashyldyǵyn nyǵaıtatyn qasıetti aı. Múbárak aıdy joǵary deńgeıde ótkizýge bárimiz atsalysýymyz qajet», - dedi Erjan qajy Malǵajyuly.
