Bıylǵy qarashaǵa deıin elimizdegi barlyq sholǵynshy jáne jol polıtsııalary bólimsheleri biriktiriledi - Q.Qasymov
ASTANA. 20 maýsym. QazAqparat - Bıylǵy qarashaǵa deıin elimizdegi barlyq sholǵynshy jáne jol polıtsııalary bólimsheleri biriktiriledi.
Bul týraly búgin QR Parlamenti Májilisi Zańnama jáne sot-quqyqtyq reforma komıtetiniń kóshpeli otyrysynda QR Іshki ister mınıstri Qalmuhanbet Qasymov aıtty.
Mınıstrdiń atap ótýinshe, Elbasynyń tapsyrmasyna sáıkes aǵymdaǵy jyldyń 1 sáýirinen bastap Pavlodar jáne Jambyl oblystyq Іshki ister departamentteriniń bazasynda jol jáne sholǵynshy polıtseılerdi biriktirý tájirıbesi júrgizilgen. Tájirıbe barynsha oń nátıje kórsetip otyr.
«Polıtsııa kezekshileriniń utqyrlyǵy artyp, olardyń tyǵyzdyǵy men aýmaqty qamtýy artty. Olardyń kásibı deńgeıleri de artty. Barlyq polıtseıler jol qaýipsizdigi, sonymen qatar qoǵamdyq tártipti qorǵaý jelileri boıynsha jol qozǵalysy erejelerin, ákimshilik zańnama normalaryn, ákimshilik is júrgizýdi oqýda. Tájirıbeniń oń nátıjesin eskere otyryp, aǵymdaǵy jyldyń qarashasyna deıin biz elimizdegi barlyq sholǵynshy jáne jol polıtsııalary bólimshelerin biriktirýge nıettenip otyrmyz», - dedi mınıstr.
Q.Qasymovtyń sózine qaraǵanda, Úkimettiń sáıkes qaýlysy búginde daıyn.
