Bıylǵy qarashaǵa deıin áskerı ofıtserler quramy attestattaýdan ótedi
«Shalǵaıda ornalasqan brıgadalardyń komandırleri onlaın rejıminde televızııalyq baılanys arqyly tyńdaldy, al ortalyq óńirdegi bólim komandırleri tikeleı attestattaý komıssııasynyń otyrysynda esep berdi. Komandırlerdi baǵalaý kezinde jaýyngerlik daıarlyqtyń sapasyna, qarý-jaraq pen áskerı tehnıkanyń jaı-kúıine, olardyń qaramaǵyndaǵy brıgadalardaǵy quqyqtyq tártiptiń jaı-kúıine úlken nazar aýdaryldy. Osy kórsetkishterdi baǵalaýdyń reıtıngtik júıesi atalǵan baǵyttar boıynsha komandırdiń jumysqa qosqan jeke úlesiniń naqty tolyq sıpatyn beredi», - dep habarlandy QR Qorǵanys mınıstrliginiń málimetinde. Atap aıtqanda, osy júıe qoldanǵaly beri Qurlyq áskerlerinde anaǵurlym laıyqty batalon, dıvızıon komandırleriniń qolynan búginde brıgada komandırleri laýazymynda turǵan kóptegen daryndy jáne saýatty áskerı basshylar shyńdaldy. Jalpy alǵanda, attestattaý kórsetkendeı, Qurlyq áskerleri quramalary men bólimderiniń basshylyq quramynyń adamdardyń basyn biriktiretin, jaýyngerlik ázirlikti qamtamasyz ete alatyn qajetti bilimi, tájirıbesi jáne kóshbasshylyq qasıetteri bar. Odan basqa, attestattaý árbir brıgada komandırine aldaǵy ýaqytta qorǵanys qabiletin arttyrý úshin qajetti kemshilikteri men artyqshylyqtaryn kórsetti. Eske sala ketsek, bıylǵy jyly Qarýly Kúshter ofıtserler korpýsynyń josparly attestattaýy 2015 jylǵy qańtardyń 12-i men qarashanyń 1-i aralyǵynda eki kezeńde ótetin bolady. 2015 jylǵy qańtardyń 12-i men maýsymnyń 1-i aralyǵynda batalon (dıvızıon), bólim komandırleri men olardyń orynbasarlary laýazymdaryndaǵy áskerı qyzmet ótkerip jatqan ofıtserler, ekinshi kezeńde 2015 jylǵy maýsymnyń 1-i men qarashanyń 1-i aralyǵynda barlyq qalǵan ofıtserler quramy attestattaýdan ótedi.